三年零八個月，係香港一段悲傷嘅歷史。1941年12月8日，日軍派軍機轟炸啟德機場，五架皇家空軍戰機被摧毀。與此同時，日軍由深圳過河入侵新界，令香港軍民打响一場勢力懸殊嘅保衛戰。

當時駐紥香港嘅海軍大約包括三艘驅逐艦、四艘砲艦、八艘魚雷艇，仲有佈雷艦、輔助巡邏艦艇、水警船、汽艇等，值得一提嘅係，以運兵船改裝而成嘅軍港駐船添馬號（HMS Tamar），於保衛戰守衛港島期間被炸沉，避免遭到日軍利用。去到25號，香港經歷咗18日慘烈嘅保衛戰之後，時任港督楊慕琦於九龍半島酒店向日軍司令酒井隆投降，香港正式淪陷。

原圖嚟自網絡。